malagunlong

setyembre 16

ayerarguelles — Fri, 16 Sep 2011 06:36:06 +0000

bago pumasok ng expressway huminto ang bus. bumaba ang drayber, may tiningnan. pagkuwan, nasiraan daw; pinababa na ang mga pasahero. pinalibutan ng mga pasahero ang konduktor para sa pagsosoli ng pamasahe. bago pa maisoli ng konduktor ang lahat ng pamasahe, tumawag ang drayber—maaari na raw muling sumakay, ayos na raw ang bus. hindi malaman kung maiinis na matatawa ng mga pasahero sa gayong munting abala/aberya habang muling sumasampa sa bus.

paanyaya sa pagpapasa ng mga akda para sa unang isyu ng hal.

ayerarguelles — Thu, 08 Sep 2011 03:03:42 +0000

Inaanyayahan namin ang mga interesadong manunulat na magpasa ng mga akda sa kahit anong anyo (tula, kuwento, sanaysay, o anuman) na nasusulat sa Filipino para sa hal. – web journal na lalabas tatlong beses sa isang taon. Ilalathala ang unang isyu sa Disyembre 2011.

Maaaring magpasa hanggang sa ika-31 ng Oktobre 2011. Walang takdang haba o bilang ng pahina para sa mga kontribusyon.

Ipadala ang inyong mga kontribusyon sa hal.dyornal@gmail.com (ilagay sa subject heading: hal.unang isyu). Mangyaring pakipasa sa iba ang paanyayang ito. Maraming salamat.

Joseph de Luna Saguid

Oliver Ortega

Mesandel Virtusio Arguelles

(Mga Editor ng Isyu)

alice notley: in the pines

ayerarguelles — Thu, 01 Sep 2011 03:12:03 +0000

It is time to change writing completely.

You are not doing that.

Wait and see.

You have no stamina, you’re a sick weakling.

kumusta?

ayerarguelles — Tue, 16 Aug 2011 06:42:43 +0000

matagal-tagal na ring hindi ako nakasusulat ng tula. buwan, o baka higit-kulang nang isang taon. maraming dahilan, hindi na kailangang isa-isahin. marahil sa pagiging abala sa iba’t ibang bagay at madalas na pagod, hindi ko naman hinahanap ang pagtula. sa araw-araw ay nagpapatuloy ang aking ordinaryo at rutinaryong buhay at lubos ko na itong ipinagpapasalamat para humiling pa ng tula. Danga’t may sandaling tulad nito na biglang sumasagi sa isipan ko ang tula at kinakabahan akong hindi ko mawari. May malaking lungkot na nauungkat sa damdamin ko at halos ibig kong may makausap kahit paano, hindi man malaliman, parang simpleng kumusta sa isang kaibigang matagal hindi nakita, tungkol sa itinatanging sining.

arti-kulo

ayerarguelles — Mon, 15 Aug 2011 09:12:52 +0000

ayon kay conrado de quiros.

ayon sa looking for juan.

tingnan ang kulo.

high chair 14 now online

ayerarguelles — Tue, 09 Aug 2011 07:37:28 +0000

High Chair 14, edited by Jose Perez Beduya and Oliver Ortega, is now online.

The new issue includes the work of Bomen Guillermo, Chris Martin, Jenn Morea, Harris Guevarra, Mary Austin Speaker, Michael Loughran, John Labella, Raymond John de Borja, Annah Browning, Nikka Osorio, Farnoosh Fathi, Louie Cordero, and Geraldine Javier.

[In this morning, look toward the horizon]

ayerarguelles — Tue, 02 Aug 2011 09:42:42 +0000

[In this morning, look toward the horizon]

mula sa talaarawan

ayerarguelles — Tue, 12 Jul 2011 13:43:18 +0000

29 n0byembre 2010

nagising ako bandang alas-singko ng umaga mula sa panaginip na hinahabol si jack spicer upang magpapirma ng kanyang libro. hanap ako nang hanap ng libro ni spicer sa aking mga libro para papirmahan nga sa kanya. may nakita naman akong libro at agad kong pinuntahan kung nasaan si spicer kasama ng iba pang manunulat. isang matangkad na lalaking puti ang maiksing buhok at puti rin ang bigote at balbas ang jack spicer sa panaginip ko. nagising ako sa aktong magpapapirma na sa kanya. nang magising, hindi ko maalala kung anong libro ang papipirmahan ko—ngunit tiyak ko hindi yun libro ni spicer.

——

bumangon na ako upang ipagpatuloy ang pagbabasa ng the brief wondrous life of oscar wao (junot diaz). natapos ko ito bandang alas-siyete. madaling basahin, magaan, nakaaaliw. may konting elemento ng historical fiction at magic realism.

——

sinimulan naming gawin ang antares. sa bagong condo unit nina b sa eastwood city. mahigit 140 pahina ang kailangan kong tabasan gamit ang cutter. si b ang tumabas ng board na itim at pula para sa pabalat. masakit sa kamay, lalo na sa kaliwa na mapuwersang nakadiin sa metal na ruler, at sa beywang ang pagtatabas. subalit kasiya-siya naman ang resulta. 20 limitadong kopya lang ang gagawin namin para sa antares at nasa—mga tula ni b. unang dalawang chapbook para sa aklat kurimaw.

The word “image” is central

ayerarguelles — Sat, 09 Jul 2011 00:30:39 +0000

…poetry itself is a part of the mind reserved for resistance to force. Poetry doesn’t just help someone survive, it is a survivor itself: fluid, protean, as it passes through walls, and brings a particular beat to a way of thinking and being.

——

In other words poetry is not just a set of enjambed lines on a page. It is not just poetry.

Ideally poetry reveals the face of justice through syntax, balance, image. That is, the harmony strung between two disparate images.

It doesn’t give more to one than to another.

It’s visible in all things that are unfolding and disappearing.

It offers a trace of freedom. And so it’s the opposite of oppressive, opinionated, controlling or controlled.

The word “image” is central.

—mula sa “Come and See” ni Fanny Howe sa aklat na Come and See (Graywolf Press, 2011)

halaga ng halakhak

ayerarguelles — Fri, 01 Jul 2011 00:37:34 +0000

humahalakhak pa rin ako kahit end credits na ng four lions (chris morris, 2010). pero ito yung pagkatapos mong humalakhak, pag kalmado ka na, babalik ka sa huwisyo at muli, maiisip mong hindi naman ito nakakatawa. hindi nakakatawa ang terorismo. hindi nakakatawa ang suicide bombers. hindi nakakatawa ang war on terror. hindi nakakatawa ang ekstremismo. o panatisismo o pundamentalismo. o anumang ismo-ismo at iba pa. maraming bagay na hindi nakakatawa, pero madalas kailangan nating tawanan. o kahit ngitian. mahalaga ang ngiti, sabi sa dulo ng pelikula. mahalagang mamatay kang nakangiti, dahil patungo ka na sa paraiso pagkatapos mong pasabugin ang mga bombang nakakabit sa iyong sarili. wala sa kamatayan kundi nasa halakhak, tawa, ngiti ang ating kaligtasan.